Олон улсын хөлбөмбөгийн холбооноос шигшээ багуудын шинэчилсэн чансааг танилцууллаа. Өнгөрсөн сард тоглолт цөөхөн болсон болохоор тэргүүлэгчдийн байранд орц өөрчлөлт орсонгүй. Испаний шигшээ 1761 оноотойгоор тэргүүн байрандаа заларсаар байна. Тэд Европын аваргаас хойш чансааг тэргүүлж байгаа ба хамгийн ойрын өрсөлдөгчөөсөө 319 оноогоор тасраад байгаа юм. Нисдэг Голлландууд 82 оноо цуглуулсныхаа ачаар Германы өмнө орж хоёдугаар байранд жагссан ба энэ нь тэдний 2005 оноос хойшхи оргил амжилт нь аж. Хөлбөмбөмбөгийн шидтэнүүд нэг байр ухарч, Италийг урдаа алдсан бол Аргентинчууд мөн эртний дайсан Английн шигшээд гүйцэгджээ. Эхний тавин орнууд дотроос хамгийн том ”ухралт” хийсэн багаар Чили тодорчээ. Таван сарын чансаагаар 26-д эрэмбэлэгдэж байсан тэд бүр 37-р байр руу унасан байх юм. Манай орны хувьд 176-р байранд 68 оноотой бичигджээ. Манай шигшээ өнгөрсөн 4 сард Макаогийн шигшээг буулган авсанаар ийнхүү түүхэн дэх хамгийн оргил чансаандаа хүрээд байгаа юм. Бидний ард хөлбөмбөг төдийлөн хөгжөөгүй 30 орон жагсаж байна.

байр	баг	оноо	+/- байр		+/- оноо
1	Испани	1761	0		32
2	Недерланд	1442	1		82
3	Герман	1378	-1		16
4	Итали	1292	1		21
5	Бразил	1288	-1		7
6	Англи	1225	1		52
7	Аргентин	1203	-1		8
8	Хорват	1200	0		49
9	ОХУ	1167	0		50
10	Франц	1067	0		-7
11	Португал	1004	0		-9
12	Турк	964	2		41
13	Парагвай	961	4		55
14	АНУ	947	1		28
15	Чех	943	-3		-25
16	Швейцарь	931	2		48
17	Грек	922	-4		-5
17	Уругвай	922	-1		13
19	Украйн	891	3		59
20	Серби	870	3		51

175	Палестин	69	0		0
176	Монгол	68	0		0
177	Белиз	64	2		4